Faigh amach faoi dheiseanna foghlama i Néifinn Fhiáin.
Tá sé mar aidhm ag Ionad Oideachais Pháirc Náisiúnta Néifinne Fiáine feasacht a ardú ar an domhan nádúrtha agus ar na spéartha dorcha. Tá cláir saor in aisce ar fáil do scoileanna agus do ghrúpaí óige m.sh. gasóga & treoraithe.
Áit don Fhoghlaim
Faoi scáth Shléibhte Néifinn Bheag, i bhfolach i bhforaois mhór bhuaircíneach Leitir Caoin (mar chuid den Pháirc Náisiúnta anois), atá Lios na Gaoithe (an dún gaofar). Tá Lios na Gaoithe ar cheann de na liosanna is fearr a ndearnadh caomhnú orthu sa cheantar. Chosain an claífort ard timpeall an dúin na háitritheoirí agus a gcuid beostoc ó ainmhithe fiáine, lena n-áirítear mic tíre a bhíodh ar fánaíocht sna ceantair seo suas go dtí an 18ú haois.
Léigh tuilleadh faoi Lios na Gaoithe inár dTreoir maidir le Séadchomharthaí & Miotais.
Ó thuaidh den lios, Lios na Gaoithe, atá carn mór suite ag barr an Chorrshléibhe a dúradh gur ann a bhí Lios Daithí Bán. Tá go leor scéalta éagsúla a bhaineann leis an gcarachtar miotasúil seo ach de réir an tseanchais b’fhathach trioblóideach é Daithí. Insítear scéal amháin faoi thriúr manach a rinne iarracht deireadh a chur lena bhealaí, ag tabhairt dúshlán dó loch a thrasnú i mBéal Átha Chomhraic. Cleas a bhí ann agus nuair a chuaigh Daithí amach go dtí an loch bog bogach, chuaigh sé i bhfostú agus bádh é. Cuireadh é ar oileán ar an loch agus go dtí an lá atá inniu ann tugtar Loch Daithí Bán ar an loch.
Léigh tuilleadh faoi Dhaithí Bán inár dtreoir maidir le Séadchomharthaí & Miotais.
Tá roinnt suíomhanna agus séadchomharthaí stairiúla eile ar fud an cheantair, ina measc dúnta cinn tíre agus crannóga. Ina measc seo tá an chrannóg atá san íomhá anseo, atá suite ó dheas de Chnoc Leitir Caoin.
Léigh tuilleadh faoi Chrannóga inár dTreoir maidir le Séadchomharthaí & Miotais.
Meas, tuiscint agus cúram don oidhreacht a chur chun cinn agus go háirithe don domhan nádúrtha
Forbairt cleachtas atá neamhdhíobhálach don chomhshaol a spreagadh
An pobal a chur ar an eolas faoin tSeirbhís Páirceanna Náisiúnta agus Fiadhúlra agus faoin ról atá aici maidir le caomhnú
1. Féachaint ar an taispeántas
2. Cur i láthair maidir le portaigh/tailte móna, an phríomhghnáthóg i bPáirc Náisiúnta Néifinne Fiáine le béim ar leith ar na plandaí agus na hainmhithe a fhaightear laistigh den ghnáthóg seo
3. Tóraíocht chun mionainmhithe a aimsiú ag baint úsáid as pútair
4. Ag scrúdú phlandaí fiáine an phortaigh
5. Sampláil linne chun féachaint cad iad na mionainmhithe atá ina gcónaí inár lochán
Caith 2-3 uair an chloig ag tabhairt cuairt ar Ionad Cuairteoirí Pháirc Náisiúnta Néifinne Fiáine. Le linn an chéad uair an chloig beidh turas ar fáil ar an taispeántas idirghníomhach agus tabharfar cuairt ar an seomra ranga lasmuigh. Beidh rogha de cheann amháin de na turgnaimh cheadaithe DPSM seo a leanas ann le linn an dara uair an chloig:
Tá an fhoireann in Ionad Oideachais Pháirc Náisiúnta Néifinne Fiáine sásta aon chúnamh a thabhairt maidir le heolas ar ghnéithe faoi chaomhnú an dúlra, faoin gcomhshaol agus faoi Pháirc Náisiúnta Néifinne Fiáine.
Tabhair leat buataisí rubair/bróga láidre agus éadaí maithe uiscedhíonacha
Ní mór do dhaltaí agus do mhúinteoirí lón a thabhairt leo; cuirimid gach trealamh foghlama ar fáil.
A mhúinteoirí, bíodh maoirsiú leordhóthanach ar fáil le haghaidh do ghrúpa agus cuir i gcuimhne do na daltaí freagracht a ghlacadh as a n-iompar sa pháirc.
Eolas le teacht…
Cuirimid seirbhís ar an láthair agus for-rochtana ar fáil do gach grúpa a bhfuil suim acu ann. Tá raon de chláir speisialta againn agus is féidir linn cuairteanna a shaincheapadh chun freastal ar riachtanais. D’fhéadfadh cainteanna, siúlóidí agus gníomhaíochtaí laistigh agus lasmuigh a bheith i gceist leis seo.
An bhfuil baint agat le grúpa turais, grúpa staidéir allamuigh, grúpa áitiúil m.sh. grúpa gníomhach scoir, coiste na mBailte Slachtmhara, Seid na bhFear/na mBan? Tá an-áthas orainn fáilte a chur roimh ghrúpaí áitiúla agus daoine ó níos faide ó bhaile.
Tabhair faoi deara go líonann an dialann an-tapa. Más mian leat áit a chur in áirithe, cuir glaoch orainn chomh luath agus is féidir. Ní ghlacaimid ach le háirithintí ar an nguthán agus ar ríomhphost agus tá ár seirbhís saor in aisce.
Éilímid ar ghrúpaí ar a laghad ceannaire fásta amháin a thabhairt le haghaidh gach 10 bpáiste le huasmhéid grúpa de 30. Tá na ceannairí seo freagrach as maoirseacht a dhéanamh ar an ngrúpa.
For the NPWS Code of Behaviour for Child Protection please click the download button below.
Is féidir le mionbhusanna agus cóistí tiomáint suas go dtí an tIonad Cuairteoirí agus páirceáil sna spásanna páirceála bus ainmnithe.
Moltar do chuairteoirí éadaí báistí iomlán agus bróga oiriúnacha a thabhairt leo chomh maith le héadaí breise.
Tá an tIonad Cuairteoirí suite i sráidbhaile Bhaile Chruaich ar bhóthar an N59 idir An Mhala Raithní agus Baingear
