“Where the mountains arise to the oft-changing skies, And the Castle stands stately and grey; Where the calm lake lies still ‘neath that wild rugged hill, In the valley of lovely Glenveagh…”
Herbert W.K. Sterritt
Éist le glór an dúlra
Fáilte go Páirc
Náisiúnta Ghleann Bheatha
Tá Páirc Náisiúnta Ghleann Bheatha suite i lár Dhún na nGall, i measc thírdhreach fiáin garbh Shléibhte Dhoire Bheatha. Mar gheall ar a gnáthóga atá gan mhilleadh agus a fiadhúlra cosanta, agus a chuid conairí ina bhfuil radharc ar an gCaisleán álainn Victeoiriach agus ar na Gairdíní le taobh Loch Ghleann Bheatha, is saoire den scoth í Gleann Bheatha dóibh siúd a bhfuil grá mór acu don dúlra.
Má tá tú anseo le foghlaim faoi bhithéagsúlacht uathúil na hÉireann nó más mian leat breathnú thart ar cheann de na tírdhreacha is iontaí in Éirinn, is féidir linn cabhrú leat do chuairt a phleanáil agus fáil amach conas is féidir leat cabhrú lenár misean fiántas Ghleann Bheatha a chosaint ar feadh na nglúnta.
Treoracha
Taisteal i gcarr ó Leitir Ceanainn
Tóg an N56 trí Chill Mhic Réanáin, ansin tóg an R255 i dtreo Ghaoth Dobhair
Taisteal ar bus
Téann bus uimhir 271, Ailt an Chorráin – Leitir Ceanainn, de chuid sheirbhís áitiúil Local Link trí Ghleann Bheatha gach lá. Is féidir an bus a thógáil ag an gcrann brataí sa Charrchlós.
Ár bPáirc Náisiúnta
Tá cosaint an dúlra mar phríomhaidhm ag Páirc Náisiúnta. Téann obair chaomhnaithe fite fuaite le áineasa freagrach faoin aer. Tá gach rud a dhéanaimid sa Pháirc Náisiúnta bunaithe ar an bprionsabal gurb é an dúlra a thagann chun tosaigh. Tá sé mar aidhm ag ár bhfíseán Cosain an Dúlra feasacht a ardú ar Pháirc Náisiúnta Ghleann Bheatha agus conas is féidir lenár gcuairteoirí cuairt bhríoch a dhéanamh, chun meas a bheith acu ar fhiadhúlra agus aird a thabhairt ar a dtionchar.
Léarscáil teorann Pháirc Ghleann Bheatha
Ceantar
S.P.A:
Suíomh i nDún na nGall
Eochair eolais
-
Páirceáil -
Loch -
N56 -
Caisleán
-
Binn na Sléibhe -
Ionad Cuairteoirí -
Teorainn na Páirce -
Abhainn
Sonraí ginearálta atá sa léarscáil seo: níl sé oiriúnach do shiúlóidí sna cnoic. Ní thaispeántar an teideal dlíthiúil sa leárscáil. Cartagrafaíocht ©2009 – ESRI Ireland Teo. agus An tSeirbhís Páirceanna Náisiúnta agus Fiadhúlra, an Roinn Comhshaoil, Oidhreachta & Rialtais Áitiúil. Bunaithe ar shonraí ó Suirbhéireacht Ordanáis Éireann. Uimh. Ceadúnais EN 0059208 © Suirbhéireacht Ordanáis Éireann / Rialtas na hÉireann.
Nuacht & Fógraí
Catering Franchise For Restaurant At Glenveagh National Park Visitor Centre
10 December 2024
Christmas Event Cancelled & Visitor Services Closed
7 December 2024
PhD Opportunity – The ecological implications of alternative deer management strategies
5 December 2024
Rogha na Páirce
Radharc ón mbarr
Siúl & Fánaíocht
Siúil cosán an Ghleanna ón mbarr agus braith eispéireas Ghleann Bheatha san ord ina nochtar a scéal nádúrtha agus stairiúil. Bhí gleann oighreach, aibhneacha, easanna agus coillearnacha gan mhilleadh ann anseo i bhfad roimh an duine daonna.
Ceann de na gairdíní is fearr in Éirinn
Gairdíní an Chaisleáin
Ná caill amach ar shiúlóid timpeall Gairdíní an Chaisleáin, áit a dtugtar an-aire di ag an bhfoireann oilte. Is cuma má thugann tú cuairt orthu i lár an tsamhraidh nó i rith an fhómhair nó an gheimhridh aoibhinn, tugtar codarsnacht suntasach i ngairdíní an Chaisleáin leis an taobh fiáin de Ghleann Bheatha.
Na héin i mbarr a maitheasa
Fána
Tá réimse beathra éan ina gcónaí anseo, idir iolair fhíreáin faoileoireachta agus fhabhchúin ghorma, chomh maith leis an lóma rua seachantach. I measc na speiceas a d’fhéadfá a fheiceáil tá screachóga, ceolairí coille agus meantáin earrfhada. Cloistear ceiliúr na camhaoire luath ar maidin i mí na Bealtaine.
– Carrchlós
– Cosáin
– Ionad Cuairteoirí
– Bialann
– Seomraí Tae
– Ionad Oideachais
– Caisleán agus Gairdíní
– Seomra ranga lasmuigh
– Limistéar súgartha fiáin
– Clós súgartha
Leithris agus seomra athraithe clúidíní
Ar fáil sa Charrchlós, san Ionad Cuairteoirí agus sa Chaisleán
Tá an Bhialann in Ionad Cuairteoirí Pháirc Náisiúnta Ghleann Bheatha dúnta anois don séasúr.
Tá seomra tae ann freisin a bhfuil Synge & Byrne ina bhun, atá oscailte 7 lá in aghaidh na seachtaine ag an gCaisleán.
Uaireanta oscailte an gheimhridh atá i bhfeidhm inár seomraí tae sa chaisleán – 10am go dtí 4pm.
Le haghaidh fiosruithe nó áirithintí grúpa glaoigh ar 087 9306875.
Páirc Náisiúnta Ghleann Bheatha
Ar oscailt: ó cheann ceann na bliana
Cead isteach: saor in aisce
Caisleán
Fáiltiú ar oscailt:
An Turas Deiridh: 16:45uair
Márta go Deireadh Fómhair: 9.15 a.m. go dtí 5.15 p.m.
Samhain go Feabhra: 10 a.m. go dtí 5.15 p.m.
San áireamh: seomra tae; leithris
Seomraí Tae: Oscailte 7 lá in aghaidh na seachtaine
Tá an Caisleán oscailte gach lá le haghaidh Turas Féintreoraithe agus roinnt teoranta Turas Treoraithe (seachas ar an gCéadaoin). Ní féidir Turas an Chaisleáin a chur in áirithe roimh do chuairt.
Praghsanna do Thuras Caisleáin:
Duine Fásta €7
Seanóir/Lacáiste €5
Teaghlach €15
Tá na turais saor in aisce do pháistí faoi sé bliana d’aois
Ionad Cuairteoirí
Ar oscailt:
9.15 a.m. go dtí 5.30 p.m.
Seirbhís Tointeála Bus
Ticéad fillte do dhaoine fásta – €3
Lascaine ar thicéad fillte – €2 (Leanaí idir 7-18 mbliana d’aois, mic léinn agus duine ar bith os cionn 65 bliana d’aois)
Singil – €1.50
Páistí 6 bliana d’aois agus níos óige: Saor in aisce
Cártaí Oidhreachta
Is féidir le sealbhóirí Cártaí Oidhreachta ticéid saor in aisce don bhus a fháil, chomh maith le lascainí le haghaidh áiteanna eile a mbíonn an-tóir ag turasóirí orthu ar fud na hÉireann. Ceannaigh Cárta Oidhreachta san Ionad Cuairteoirí
Duine Fásta €40
Mac léinn/páiste €10
Seanóir €30
Teaghlach €90
- Tá bealach isteach do chathaoireacha rothaí ar dhá bhus leictreacha
- Rochtain le suaitheantas gorm ar an gCaisleán le páirceáil an-teoranta – ní thugtar cead páirceála ach amháin i gcúinsí speisialta
- Níl rochtain ag úsáideoirí cathaoireacha rothaí ar cheantair áirithe de na gairdíní mar gheall ar chéimeanna agus talamh ghéar, mhíchothrom.
Tá leithris inrochtana ar fáil san Ionad Cuairteoirí
Siúl agus Fánaíocht
Tá conairí do gach aois agus gach cumas ar fáil i nGleann Bheatha. Amharc ar ár gconairí agus cuimhnigh ar na buneilimintí sábháilteachta: seiceáil an aimsir sula dtosaíonn tú, tabhair leat léarscáil, agus tabhairt leat aon ní tábhachtach a bheidh uait chun dul isteach sna cnoic.
Siúlóid an Ghleanna Uachtaraigh
Conair Dhúlra Dhoire Leathan
Siúlóid Cois Locha
Siúlóid Loch Inseach
Cosain an Dúlra
Is é an dúlra a chosaint príomhaidhm Pháirc Náisiúnta. Tá obair chaomhnaithe fite fuaite le caitheamh aimsire freagrach amuigh faoin spéir agus is féidir le cuairteoirí cabhrú lena gcion féin a dhéanamh tríd na nithe seo a leanas.
Déan Réamhphleanáil
Smaoinigh ar an am is fearr le cuairt a thabhairt agus ar cén modh taistil a ghlacfaidh tú, ar mhaithe le do thionchar ar an gcomhshaol a íoslaghdú. Seiceáil an aimsir agus déan cinnte de go bhfuil gach rud atá ag teastáil uait agat.
Bí Tuisceanach
Bíodh a fhios agat faoin tionchar a d’fhéadfadh do ghníomhaíochtaí agus d’iompar imirt ar an dúlra, ar eispéireas daoine eile agus ar na daoine atá ag obair anseo. Tabhair aird ar aon torann a dhéanfaidh tú agus conas a dhéanann tú idirghníomhú le daoine eile ar an mbealach.
Bíodh meas agat ar an bhFiadhúlra
Tá fáilte mhór roimh mhadraí ach ní mór iad a choinneáil ar iall. Más féidir leat, seachain na hamanna leochaileacha ina mbíonn neadú agus pórú san fhiadhúlra.
Taisteal agus Campáil ar Thalamh Mharthanach
Leis na conairí marcáilte tugtar an deis duit na háiteanna is fearr i bhfásach Ghleann Bheatha a fheiceáil. Níor chóir ach do shiúlóirí a bhfuil an-taithí acu gabháil suas na cnoic. Campáil san fhásach amháin atá ceadaithe: caith súil ar na treoirlínte anseo.
Ná tóg aon ní a aimsíonn tú
Glac grianghraif den tírdhreach agus de na plandaí, ach ná leag lámh fiú ar na nithe is lú, ionas go bhféadfadh daoine eile taitneamh a bhaint as fásach Ghleann Bheatha mar a rinne tusa.
Déan Bruscar a Dhiúscairt i gCeart
Bagairt mhór is ea bruscar don dúlra. Cabhróidh tú leis an bpáirc agus a fiadhúlra a chosaint agus Gleann Bheatha a choimeád sláintiúil nuair a thugann tú leat do chuid bruscar.
Laghdaigh an éifeacht ó thine
Ní thig linn tine de chineál ar bith cheadú inár bpáirceanna náisiúnta. D’fhéadfadh go mbeadh tionchar buan ag tinte agus go scriosfadh siad plandaí agus ainmhithe. Labhair lenár maoir nó lenár bhfoireann Oideachais má theastaíonn comhairle uait, agus seiceáil ár dtreoir Campála san Fhásach le haghaidh sonraí.
Oidhreacht & Cultúr
Bain an leas is fearr as do chuairt ar Ghleann Bheatha agus stop ag Caisleán agus Gairdíní Ghleann Bheatha. Faigh tuilleadh eolais san Ionad Cuairteoirí áit a bhfuil taispeántais laethúla saor in aisce ar ábhair cosúil le Páirceanna Náisiúnta in Éirinn, tionscadal athbhunaithe an iolair fhíréin agus Díshealbhuithe Dhoire Bheatha, lena n-áirítear físeáin ghearra.
Foghlaim faoi stair, oidhreacht agus caomhnú Ghleann Bheatha agus labhair lenár dtreoraithe chun tuilleadh eolais nó comhairle a fháil.
Áit le Foghlaim
Tá Treoraithe Oideachais Ghleann Bheatha sásta bualadh leat ar na conairí. Cad faoi shiúlóid threoraithe a chur in áirithe, nó tabhair leat do ghrúpa scoile nó freastal ar aon cheann dár sainchúrsaí? Cabhraímid freisin le tionscadail taighde agus cuirimid eispéiris oideachais shaincheaptha ar fáil ó cheann ceann na bliana.